Setenta mucha y hoben a disfruta di campamento di Centro Famia Piedra Plat
Campamentonan durante vakantie 2026 na Fundacion Centro Famia Piedra Plat tabata yen di actividad entreteni y educativo. Por bisa cu e muchanan participante a disfruta inmensamente durante e temporada aki.
E 3 simannan di Camp tawata exitoso den participacion y programacion, e prome Camp tawata pa muchanan di 4 pa 7 aña, di dos pa muchanan di 8 pa 11 y di tres tawata un youth Camp di 12 pa 16 aña. Un averahe di 70 mucha total y 15 lider den cada Camp.
FCFPP ta gradici tur cu a haci e Camp akiposibel, specialmente pa e ondersteuningricibi di CEDE Aruba y cu e EuropeseVrijwilligers (4) cu a yuda hopi bon. Tambe na ATHA y sigur na tur e boluntarionan pa e tremendo trabou.
Awor FCFPP ta cla pa cuminsa su programa pa e aña escolar nobo 2026/2027.
Inscripcion ta habri pa huiswerk begeleiding pa muchanan di scol basico y pa muchanan di voortgezet onderwijs. Club Oansa, lesnan di musica, canto, baile, pintura, ect tur lo start bek asina cu scol habri. Tambe Fundacion ta sigui cu ampliacion di su programa 60 plus.
The post Setenta mucha y hoben a disfruta di campamento di Centro Famia Piedra Plat appeared first on 24ora - Prome Den Noticia.
16.8.2026. 12:30:00