Despues di shete aña: E prome vuelo di Venezuela pa Aruba a bira realidad
Awe tabata un momento significativo na Jet-TNCA FBO, caminda a ricibi e prome vuelo charter directamente fo’i Caracas despues di reapertura di e frontera aereo entre Aruba y Venezuela.Na e sitio tabata presente Minister mr. Wendrick Cicilia, kende a expresa cu e ta “sumamente contento di mira actividad y interes creciendo. Cada vuelo ta representa un stap mas den direccion di restaura conectividad y fortalece e brug entre Aruba y Venezuela.”
Manera ta conoci, e luna aki a dicidi di habri e conexion aereo entre Aruba y Venezuela. Despues minister Cicilia a anuncia cu ta bay cuminsa cu 7 vuelo pa Aruba y otro shete vuelo pa Venezuela di forma structura. Y awo el a indica cu tin diferente compania a expresa di ta interesa y a menciona entre otro Aruba Airlines, Trupial Airlines y Laser.Tabata trata di un vuelo di un avioneta pero cu den futuro por bira navenan mas grandi.
The post Despues di shete aña: E prome vuelo di Venezuela pa Aruba a bira realidad appeared first on 24ora - Prome Den Noticia.
16.8.2026. 15:26:20