Cristiano Ronaldo ta kere esaki ta su ultimo aña ta hunga futbol

E revista Mericano Vogue a trece dilanti diadomingo un entrevista cu e ex-defensa di e seleccion internacional di Portugal, Cristiano Ronaldo. “Probablemente, esaki lo ta mi ultimo aña den futbol”, Cristiano Ronaldo a bisa n’e revista. El a sigura cu kier laga “un legado espectacular.” Cristiano, di 41 aña, a papia cu e revista di moda hunto cu su casa, e modelo Hispano-Argentina Georgina Rodríguez, cu motibo di su recien casamento, y tambe a bay riba su futuro despues di colga su keds, afirmando cu ya tin “tur cos planea.” “Ya mi tin henter mi futuro planea. Mi tin hopi cos cu ta mantene mi ocupa cu ta dificil destaca solamente un. Manera futbol por laga un gran bashi, tin cu ocupa e tempo cu diferente forma, no solamente uno”, e delantero Portugues a bisa, den alusion di su diferente negoshinan. Potret di archief di Cristiano Ronaldo, kende a bisa den un entrevista cu “probablemente” esaki lo ta su ultimo aña den futbol (EFE/Kenneth Fernandez/Archief). Algun di nan ta inclui e sector hotelero, e clinicanan di implante capilar, awa emboteya y medionan di comunicacion. “Y tambe pa mi diberti mas, biaha mas, mira y hunga padel, cu mi gusta hopi, y sigui disfruta di loke mi a logra. Di loke nos a logra. Na final, tabata binticinco aña di hopi sacrificio”, e ex-hungado di Real Madrid a bisa acerca. Cristiano Ronaldo actualmente ta na Saudi Arabia, unda e ta hunga pa Al Nassr, y recientemente el a hunga su di seis y ultimo Mundial cu seleccion di Portugal. Nan a yega na di ocho final, den cual e seleccion a termina elimina contra Spaña. The post Cristiano Ronaldo ta kere esaki ta su ultimo aña ta hunga futbol appeared first on 24ora - Prome Den Noticia.