Eden Garden habri diabierna y diasabra te 8:00 di anochi 

Eden Garden ta un di e miho koffie shopnan y e ta situa na Piedra Plat. E ta ofrece koffie, desayuno, lunch, bebida y un variacion amplio di menu pa henter pueblo di Aruba. Eden Garden ta situa na Piedra Plat 93, net banda di Auto Parts, riba e caminda principal y cerca di veld di Britannia. E negoshi lo ta habri di dialuna pa diasabra, di 8:00 am te 8:00 pm. Durante un bishita di 24ora.com, nos reportero a conoce e luga y a purba nan koffie cu caramel, cual el a describi como un bebida “increibel”. P’e fin di siman, Eden Garden tin como promocion su “Locuara di Nachos” pa AWG 20, mientras cu entre 5:00 pm y 7:00 pm tin happy hour di mojito. Tambe tin un bucket di Balashi pa AWG 20. E luga no ta limita su oferta na koffie. Pa desayuno, e cliente por scoge entre diferente opcion, incluyendo American Breakfast y Arubian Breakfast, cu ta consisti di pastechi, croket, scrambled eggs y pan. Pa lunch y otro momento di dia tin, entre otro, beef cut small, pork chop y sate basket, cual ta suficiente pa tres persona. Eden Garden tambe ta ofrece saco mix pa AWG 25.-, y un menu di dia cu ta cambia cada siman. Ademas, cliente por haya pisca fresco y otro opcionnan den nan menu. Facebook live link: https://www.facebook.com/share/v/1EgH6zBBWN/ Den e categoria di bebida, e koffie shop ta ofrece matcha latte, iced mocha y iced cappuccino, disponibel den diferente sabor, incluyendo strawberry y mango. The post Eden Garden habri diabierna y diasabra te 8:00 di anochi  appeared first on 24ora - Prome Den Noticia.