Aruba Wastewater Sustainable Solutions (AWSS) ta cuminsa programa di mantencion preventivo
Aruba Wastewater Sustainable Solutions (AWSS) ta annucia cu desde dialuna awo dia 17 Augustus 2026, lo cuminsa un programa di mantencion preventivo cu lo dura 10 dia riba ekiponan principal (sistema di aerashon cu difusor) cu ta trata e asina yama awa preto.
E trabounan preventivo ta esencial pa mantene confiabilidad, siguridad y eficiencia di e proceso di trata awa preto na un nivel halto. AWSS ta sigura cu e operacion normal di e planta lo sigui sin interrupcion durante e mantencion. Durante e periodo aki lo por tin molester di holor temporario den e zona rond di e planta na Bubali.
AWSS ta sigura tanto na comunidad como na sector comercial cu lo tuma tur medida necesario pa minimalisa e molester. E molester aki ta normal durante e tipo di trabounan aki y a pesar di e inconveniencia, no ta representa ningun riesgo pa salud.
“Nos ta gradici di antemano pa e pasenshi y comprencion di nos comunidad y sector comercial mientras cu nos ta completa e trabounan importante aki,” segundirectiva di AWSS. “Haciendo e mantencion preventivo prome cu temporada halto di turismo ta permiti nos ta garantisa un servicio di trata awa preto di calidad ysostenibel pa Aruba”. Ta premira cu e trabaonan lo keda completa pa dia 27 di Augustus 2026.
The post Aruba Wastewater Sustainable Solutions (AWSS) ta cuminsa programa di mantencion preventivo appeared first on 24ora - Prome Den Noticia.
15.8.2026. 12:10:11