Nos isla ta carece di profesional den cuido: Aruba no ta atractivo p’e yiu di tera trahando afo bin bek
Aruba ta enfrenta retonan urgente cu e sector di salubridad na Aruba, specualmente e escasez persistente di profesionalnan medico.
Durante entrevista cu minister encarga cu Salubridad Public, drs. Mervin Wyatt-Ras, nos a puntra e mandatario tocante e falta di profesional medic na ImSan. Un situacion cual ta causa cu hopi biaha lista di espera ta largo y pashentnan ta haya esaki fastioso.
E mandatario a expresa cu e problema aki di falta di personal ta uno cu por encontra na HOH tambe y na otro parti di mundo loke ta haci cu hopi biaha e pashentnan mester warda mas cu normal. “Nos tin falta di capacidad di profesional medico na Aruba, esaki ta algo cu nos mester traha riba dje, Aruba no ta asina atractivo pa nos yiu di tera traha akinan loke ta nifica cu nos mester depende di otro profesional”, e minister a expresa.
Antes tabata tin critica riba no ta atende telefon, y esaki ta bay mas miho awo.
E minister a expresa tambe cu tin hopi pashent cu ta yega na ImSan loke ta causa cu e presion ta mas riba e dokter disponibel na warda. “E asunto aki tin e atencion di nos, y nos ta den continuo comunicacion cu ImSan pa mehora esaki”, e mandatario a finalisa expresando.
The post Nos isla ta carece di profesional den cuido: Aruba no ta atractivo p’e yiu di tera trahando afo bin bek appeared first on 24ora - Prome Den Noticia.
15.8.2026. 13:00:00