Kurti u shkruan liderëve të PDK, LDK dhe AAK: Të takohemi sa më parë për zgjedhjen e Presidentit
Kryeministri në detyrë i Kosovës, Albin Kurti, ka kërkuar një takim sa më të shpejtë me liderët e PDK-së, LDK-së dhe AAK-së, për të diskutuar zgjedhjen e Presidentit të ri të Kosovës.
Kurti tha se u ka dërguar mesazh kryetarëve Bedri Hamza, Lumir Abdixhiku dhe Ardian Gjini, duke kërkuar që partitë parlamentare të përfshihen në proces dhe të arrihet një dakordësi për kandidatin e ardhshëm për President.
“Duhet të kalojmë te emrat e përveçëm”, tha Kurti, duke theksuar se procesi duhet të jetë gjithëpërfshirës dhe të mos mbetet vetëm mes Vetëvendosjes dhe LDK-së.
The post Kurti u shkruan liderëve të PDK, LDK dhe AAK: Të takohemi sa më parë për zgjedhjen e Presidentit appeared first on X-Media.
14.8.2026. 06:22:02