UPDATE – Caso tiramento Rayshon Kelly: Cinco den libertad y dos keto bay cera
Oranjestad-Aruba
Ariba juli 22 pa mas o menos 9:55 anochi e hoben Rayshon Kelly[16] a wordo tira riba e parkeer plaats di Stadion Nadi Croes y Crismo Angela.
Algun ora despues polis ta wordo informa cu e hoben a fayece door di e impacto di bala.
Awe nos a tuma contacto cu Ministerio Publico pa mira con e caso ta bayendo y si tin mas avance.
Nos a wordo informa cu un total di 7 persona a wordo deteni, di cual 5 ta liber, pero ta keda sospechoso. Dos ta keto bay cera. Riba juli 31 a detene e di 7 sospechoso.
Ta mustra cu Husticia tin tur esnan envolvi, pero e investigacion ta siguiendo keto bay.
Tur esnan envolvi ta mayor di edad, solamente e victima tawata un menor.
Loke autoridadnan por a saca afo te cu awor, cu lo ta trata di un caso relaciona cu droga.
The post UPDATE – Caso tiramento Rayshon Kelly: Cinco den libertad y dos keto bay cera appeared first on Aruba Native.
13.8.2026. 11:44:49