Нєшка на радию Соботово стретнуца, а ютре Емисия за валал и Културна панорама

НОВИ САД – На Трецей програми радия Радио-телевизиї Войводини на програми по руски нєшка на 13:00 годзин будзе емисия Соботово стретнуца, а ютре, на 7 годзин рано годно послухац Емисию за валал, а на 12:30 г емисия Културна панорама. У нєшкайшей емисиї Соботово стретнуца госц будзе гармоникаш Любомир Сакач Андри зоз Коцура. Його любов ґу музики тирва уж штерацец роки. Грає на гармоники, та є активни и у Културно-уметнїцким дружтве Жатва, а дзечнє на своєй гармоники заграє и поможе и другим нашим Културно-уметнїцким дружтвом. Розгварку призначела Наталия Дудаш. Соботово стретнуца ше емитує премиєрно каждей соботи на УКТ габох радия РТВ на 92, 100 и 107,1 мгг, на 13:00 годзин и репризно стреду на 23:00 годзин, а мож ю послухац и на одложеним слуханю на сайту РТВ. Ютре, на нєдзелю у найновшим виданю Емисиї за валал годно послухац актуалносци зоз польопривреди. Будзе слова о стану шацох у хотарох пре цеплотну габу, у Коцуре оформене Здруженє рибарох, у Руским Керестуре ше будзе зберац амбалажу од пестицидох, а наявена и манифестация Днї керестурскей паприґи. Цеплотна габа уплївовала и на бостан, та призначена и розгварка о тим. У емисиї нє буду вихабени анї найновши висти зоз польопривреди, проґноза хвилї за наиходзаци тидзень, як и цени польопривредних продуктох на новосадских пияцох. Емисия за валал на програми кажду нєдзелю на 7 годзин рано и репризно стреду на 21:30 годзин, на УКТ габох радия РТВ на 92, 100 и 107,1 мгг. Емисию пририхтую Єлена Дудаш, Златко Колєсар, Михаил Рамач. Потим, 9. авґуста, на 12:30 годзин у найновшей емисиї Културна панорама годно послухац о Лєтней школи руского язика, котра отримана у Попрадзе и о Подобовей колониї котра отримана у Новим Садзе. Тиж, будзе слова и о пририхтованьох за наиходзаци 23. Фестивал жридлового шпиваня Най ше нє забудзе у Дюрдьове. Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини. The post Нєшка на радию Соботово стретнуца, а ютре Емисия за валал и Културна панорама first appeared on Руске слово.