Sospechoso deteni na Primavera 41 ta liber bek

E homber cu team narcotica a detene na Primavera 41 diabierna mainta ta liber atrobe. A haya yamada di e mama y despues di e sospechoso tambe. Ambos a papia resputuosamente. E mama prome instante a bisa cu ta un accion robes a tuma luga y su yiu ta na cas caba. Despues e yiu tambe a conta cu ta un servicio e ta duna pa hiba carga etc. E biaha aki a haya yamada pa bay paga e carga pa despues saca esaki y hib’e su destino. Finalmente parce no a hiba e carga y tabata pendiente. E mes a splica cu e no sa ken esnan cu a yama ta. Ta servicio e ta duna y ta cobra pa su trabou. Den e investigacion a yega na dje. A splica tanto e mama como e yiu cu ta sospechoso cu lo check cu polis. Polis a splica cu e accion di e team narcotica no ta robes. E ta un accion caminda a drenta mas adres y Primavera 41 ta un di e adresnan. Polis a confirma cu e persona ta keda sospechoso. Fiscal a haya cu no ta necesario tene mas deteni. P’esey mes a lag’e bay y a sigui cu otro entrada hudicial. Polis a bisa cu despues di termina ful e investigacion lo saca e conclusion final kico ta e rol di e persona deteni un rato na Primavera. E sospechoso ta para ariba cu e no tabata sa nada di e droga den e carga cu e lo mester a bay transporta. The post Sospechoso deteni na Primavera 41 ta liber bek appeared first on 24ora - Prome Den Noticia.