ELMAR su Electra Discovery Tour 2026 ta bishita “Summer Camps” rond di Aruba

      Oranjestad, Aruba – 23 di juli 2026 – Pa segundo aña consecutivo, N.V. ELMAR ta organisa su Electra Discovery Tour, un roadshow educativo y divertido cu ta forma parti di ELMAR su programa di Corporate Social Responsibility.    E meta di Electra Discovery Tour ta pa siña nos muchanan mas tocante distribucion di coriente y, na mes momento, concientisa e participantenan tocante importancia di seguridad di coriente. Pa logra esaki, ELMAR ta combina educacion, entretenimento y actividadnan interactivo.    Durante e prome edicion di e tour, e muchanan por a participa na diferente weganan electrico, scucha kabel di coriente bou di tera, subi den un bucket truck y siña mas tocante con distribucion di coriente ta funciona na Aruba.   E aña aki, ELMAR a introduci un concepto nobo, desaroya conhuntamente cu Scol Teatro Aruba: TRIBI, un Poppenkast show di Chispito cu e tema “Switch on Safety”. Durante e show, Chispito ta siña e participantenan diferente regla importante pa preveni accidente relaciona cu coriente.    Entre otro, nan ta siña pa nunca mishi cu liña di distribucion di coriente, pa no ranca un waya for di e stopcontact na su kabel, y pa trata coriente semper cu cuido. E mensahe principal ta pa tur hende compronde cu coriente ta util y importante, pero cu mester uza esaki cu responsabilidad.    E prome bishita di Electra Discovery Tour 2026 a tuma luga na Stichting Ambiente Nobo na Santa Cruz. Stichting Ambiente Nobo ta un organisacion non-profit cu ta ofrece cuido durante dia na adultonan cu un limitacion intelectual.   Despues di e apertura na Santa Cruz, e tour ta sigui pa YMCA San Nicolas y lo bishita Summer Camps den diferente districto rond di nos isla.    Cu Electra Discovery Tour, ELMAR ta sigui inverti den educacion y seguridad, mientras ta crea un experiencia alegre y memorabel pa tur participante.   Como parti di ELMAR su programa di Corporate Social Responsibility, Electra Discovery Tour ta contribui na educacion y seguridad den nos comunidad, mientras ta crea un experiencia alegre, educativo y memorabel pa tur participante.    Keda pendiente pa mas momento di Electra Discovery Tour 2026! The post ELMAR su Electra Discovery Tour 2026 ta bishita “Summer Camps” rond di Aruba appeared first on Aruba Native.