Woldrick Everon a obtene su Bachelor of Arts di The Hague University of Applied Sciences

Woldrick Everon a gradua for di The Hague University of Applied Sciences y asina ta logra obtene e titulo di ‘Bachelor of Arts’ for di e programa di Safety and Security Management Studies (SSMS) – Integrale Veiligheidskunde. Woldrick a defende su tesis exitosamente riba 09-juli-2026 titula: What Constitutes a Complete Risk Inventory & Evaluation (RI&E) in the Netherlands. Woldrick a investiga tur posibel risico cu por presenta den tur sector di companianan na Hulanda. Asina Woldrick a logra operationalisa ‘RI&E completeness’ cu despues a wordo usa pa evalua e criteria di e compania di advies na unda Woldrick a core stage, pa asina identifica posibel ‘gaps’ den nan lista di criteria. For di esaki Woldrick a logra formula su recomendacionnan pa e compania Hulandes. E comision di graduacion tawata consisti di: ·         Boudewijn Wisse, MSc ·         Benjamin Eckholm, MSc ·         Supervisor externo: ·         Jurrijn Olie, MBA Woldrick a gradua for di Colegio Arubano HAVO na 2014 y despues a continua na VWO.      Na aña 2019 Woldrick a logra obtene su Propedeuse for di e programa di FEF na Universidad di Aruba. Na Augustus 2020 Woldrick a tuma e reto hunto cu beursalen pa sigi su estudio na Hulanda. Durante e temporada aki Woldrick tabata miembro di POC Den Haag pa 4 aña y di esaki a sirbi 1 aña como vice-presidente y 1 aña como presidente di e organisacion. Tambe Woldrick a forma parti di e comision di studiante di Safety & Security Management Studies for di 2020-2021. Na aña 2022 Woldrick a participa den ‘Winter School’ – ‘Transformative Justice’ duna pa e Universidad di Padova, Italia na unda Woldrick a siña tocante intervencion di conflicto for di un perspectiva no tradicional.  Na December di 2023 Woldrick a participa den e Minor di Compliance unda Woldrick a sigi 4 module intensivo consistiendo di Anti-Money Laundering (AML), Anti-Bribery Compliance (ABC), Data Protection and Privacy Compliance (DPPC) y Integrity Module. Na September 2024 Woldrick a start cu su stage na Soliede Opleidingen B.V. como stagiair arbo en veiligheid. Woldrick ta sumamente agradecido pa e conocemento, e network di amigo y mentor nan y e varios habilidadnan cu e la logra crece aden studiando na de Haagse Hogeschool. Woldrick ta manda gradici tur cu a yud’e logra su meta na Hulanda. E ta contento di por a conta cu e confiansa y sosten den su persona y ta reconoce cu colectivamente por logra hopi. The post Woldrick Everon a obtene su Bachelor of Arts di The Hague University of Applied Sciences appeared first on 24ora - Prome Den Noticia.