ELMAR EV ChargeUp ta lansa punto di carga nobo p’ariba di brug
Oranjestad, Aruba, 3 di juli 2026 – N.V. ELMAR ta anuncia cu EV ChargeUp a amplia su red cu un punto di carga adicional p’ariba di brug, na Baby Beach. Cu e sitio nobo aki, EV ChargeUp ta sigui haci charging di vehiculo electrico mas accesibel pa usuario riba nos isla.
E punto di carga na Baby Beach ta habri 24/7 y tin un Level 2 Charger cu J1772 connector. Esaki ta ofrece mas flexibilidad pa usuario di vehiculo electrico cu ta den e zona di San Nicolas, Baby Beach of otro parti p’ariba di brug.
Den caso cu un vehiculo electrico ta uza un otro tipo di connector, e usuario por uza un adapter pa conecta na e charger.
Cu e expansion aki, ELMAR EV ChargeUp ta sigui contribui na desaroyo di mobilidad electrico na Aruba. E red di EV ChargeUp ta apoya un futuro mas sostenibel, ofreciendo mas opcion pa carga vehiculo electrico den diferente parti di nos isla.
Pa mas informacion, bishita https://www.elmar.aw/ev.
The post ELMAR EV ChargeUp ta lansa punto di carga nobo p’ariba di brug appeared first on Aruba Native.
7/3/2026 2:12:37 PM