Despedida Grupo 8 di Bureau Traimerdia
ORANJESTAD – Recientemente a tuma luga, den ballroom di Eagle Aruba Resort, despedida di e grupo 8 di Bureau Traimerdia.
Tabata un evento yena di emocion unda tur e muchanan di 7 centro di Bureau Traimerdia a bini hunto caminda nos a duna un despedida special.
Directora Marelene van der Linde a habri e atardi cu un palabra di pabien y bon deseonan pa tur mucha. Durante nan trayectoria na Traimerdia, nan a crece y desaroya den hopi manera y awe nos ta orguyoso di tur loke nan a logra.
Nos ta gradici tur lider di grupo, centrumhoofd y henter e personal di Bureau Traimerdia pa nan dedicacion, guia y apoyo cu nan a duna na e muchanan tur e añanan.
Un danki special na DJ Dr. Eli pa e ambiente y Eagle Aruba Resort pa pone nan ballroom na disposicion pa haci e celebracion posibel. Pabien na tur mucha di grupo 8! Nos ta desea boso hopi exito den e siguiente capitulo di boso bida.
Na nomber di henter famia di Bureau Traimerdia: sigui crece, sigui soña y sigui briya!
The post Despedida Grupo 8 di Bureau Traimerdia appeared first on Aruba Native.
7/3/2026 2:25:40 PM