Google ta bisa cu Android su sistema di aviso di temblor incorpora a alerta 11.4 miyon hende prome cu e temblor di Venezuela a dal – aki bo ta haya sa con pabo hay’e riba bo cellular

For di 2021, telefonnan Android a bin cu un funcion integra pa detecta temblor. Segun cifranan di Google, e sistema a logra duna 11.4 miyon hende un alerta adelantando di e dos temblornan devastador cu a dal Venezuela riba 24 di Juni. Segun The New York Times, e alerta trempan a yega te na dos minuut prome cu e tera a cuminsa tembla. Segun Google, e prome alertanan a wordo manda solamente nuebe seconde despues cu e temblor a cuminsa bou di tera. E sistema ta traha usando e acelerometernan integra den telefonnan Android pa detecta e prome ondanan sismico, mas lihe y menos fuerte, conoci como P-waves. E data aki ta wordo anonimisa automaticamente y manda na Google den e background. Ora cu tin suficiente reportenan cu ta coincidi, un alerta ta wordo manda na tur usadornan di Android cu por wordo afecta. Telefoonnan mester ta stacionario pa por sirbi como detector di temblor. Midi nan cu ta bin di telefonnan cu ta den movemento no ta wordo conta. Ademas, e temblor mester tin un magnitud di 4.5 of mas pa activa un alerta. Den areanan cu tin mas poblacion y mas telefonnan Android, e alertanan ta wordo manda mas rapido. Den tres estado specifico di Merca — California, Washington y Oregon — e alertanan di Android ta basa riba dato real di monitorio sismico for di un red di 1,675 sensor cu ta forma parti di e sistema ShakeAlert, cu ta wordo maneha door di US Geological Survey. CON PA ACTIVA ALERTANAN DI TEMBLOR E Android Earthquake Alerts System ta activa caba automaticamente riba mayoria di telefonnan Android moderno. Pa verifica esaki, bay na Settings, despues Safety and emergency, y kies Earthquake alerts. Bo mester ta den un di e 98 paisnan cu Google ta brinda support na dje, incluyendo Australia y Merca. Con cerca bo ta di e epicentro ta determina ki tipo di alerta bo lo ricibi durante un temblor. E alertanan mas serio lo pasa riba cualkier configuracion di bijvoorbeeld Do Not Disturb, lo yena henter e pantaya/screen y haci un sonido fuerte. Si e movemento di tera ta wordo spera di ta menos severo, bo por haya solamente un notificacion normal riba e pantaya. Te cu aña pasa, segun Google, e Android Earthquake Alerts System a detecta mas cu 18,000 temblor na henter mundo y a manda mas di 2,000 alerta. E funcion aki ta nifica cu por lo menos 2.5 biyon hende na henter mundo tin acceso na un sistema di alerta trempan pa temblor, aunke nan gobierno no tin un sistema oficial implementa. E funcion aki actualmente no ta disponibel riba iPhone, ni si bo ta usa un app di Google. Loke iOS si por haci ta pasa alertanan oficial for di autoridadnan, incluyendo alertanan di temblor. Pa verifica esaki, bai na Settings, despues Notifications, unda bo lo mira opcionnan pa Extreme Alerts y Severe Alerts. No ta muchoncla cuanto morto of herido por a wordo evita danki na sistema di alerta di Android durante e dos temblornan na Venezuela. Pero ta parce cu miyones di hende a ricibi un alerta algun seconde prome, dunando nan tempo pa prepara nan mes pa loke tabata biniendo. The post Google ta bisa cu Android su sistema di aviso di temblor incorpora a alerta 11.4 miyon hende prome cu e temblor di Venezuela a dal – aki bo ta haya sa con pabo hay’e riba bo cellular appeared first on Aruba Native.