A rindi tributo na nos antepasadonan den caminata historico

Den un ambiente carga cu emocion, Plataforma Nacional Herencia di Sclavitud Aruba (PENHSA) a conmemora e dia nacional di abolicion di sclavitud di aña 1863, fecha declara historicamente pa Prome Minister Mike Eman. Shirley Cains, vice presidente y tesorero di PENHSA, a expresa un gran alegria pa por duna e antepasadonan e respet y honor cu nan merece. El a resalta e forsa di e generacionnan cu a sobrevivi, indicando e importancia di educa comunidad cu e storia completo y no mita manera cu a siña antes na scol, p’asina mantene un narativa positivo pa futuro. E actividadnan a cuminsa cu un marcha significante realisa den e cayanan di Village, culminando na Carnival Village. N’e sitio a bin hunto un gran cantidad di hende p’e evento principal, cual a ranca sali for di 7:00 te cu 11:00 PM. E publico por a gosa di un programa varia cu a inclui gruponan di baile, poetanan, spoken words, un drone show espectacular y e clausura musical a keda na encargo di e banda Tsunami. E publico a disfruta tambe di cuminda local y platonan tipico di Africa. E dia historico aki a sirbi pa duna homenahe n’e antepasadonan. Durante e atardi, PENHSA a extende un gradicimento special n’e 400 personanan cu a firma e peticion oficial entrega na presidente di Parlamento, Marlon Sneek, y parlamentario Otami Tomasia, gradiciendo tur cu a sostene e causa aki p’e pais. Pa mas detaye lesa TREMPAN. The post A rindi tributo na nos antepasadonan den caminata historico appeared first on 24ora - Prome Den Noticia.