Me kushte krejtësisht dinjitoze! Rama ndan pamjet nga Pallati i Kulturës ‘Vaçe Zela’ në Lushnjë
Kryeministri Edi Rama ka nisur mëngjesin e kësaj të hëne duke ndarë me ndjekësit në rrjetet sociale pamje nga Pallati i Kulturës në Lushnje, i cili mban emrin e ikonës së muzikës shqiptare, Vaçe Zela.
Përmes këtij postimi, kreu i qeverisë ka vënë në dukje transformimin që ka pësuar ky institucion, i cili pas investimeve të kryera ofron tashmë hapësira dhe kushte moderne për zhvillimin e aktiviteteve kulturore e artistike.
Rama u shpreh se ky objekt tashmë ofron kushte krejtësisht dinjitoze dhe është i gatshëm të presë artistët dhe qytetarët.
“Mirëmëngjes dhe me Pallatin e Kulturës që mban emrin e ikonës së këngës shqiptare Vaçe Zela në Lushnjë, tanimë i rilindur me kushte dinjitoze, ju uroj një javë të mbarë”, shkruan Rama.
Pallati i Kulturës në Lushnje konsiderohet si një nga qendrat më të rëndësishme të jetës publike dhe artistike në zonë, ndërsa rikonstruksioni i tij synon të rikthejë vëmendjen te arti dhe të krijojë platforma të përshtatshme për t’u shfrytëzuar nga brezat e rinj.
The post Me kushte krejtësisht dinjitoze! Rama ndan pamjet nga Pallati i Kulturës ‘Vaçe Zela’ në Lushnjë appeared first on X-Media.
6/14/2026 11:54:24 PM