Accidente pa falta di preferencia: A resulta cu auto cu a ocasiona e accidente no tin seguro
Diadomingo atardi a sosode un accidente net n’e crusada Oranjestraat-Wilhelminastraat. Un auto Hyundai Accent nr. A-14282 tabata bin di direccion pariba, riba su caminda di preferencia na momento cu e auto KIA color shinishi nr. A-85124 biniendo for di direccion nort no a para pa duna e Hyundai preferencia y a dal den e porta, pa cual e Hyundai a perde control y bay dal den cura di Stadhuis.
NO tabatin herido, pero si a resulta cu e KIA no tabatin seguro. Polis a bira masha estricto pa loke ta papelnan na ordo. E gasto pa drecha e auto awo lo cay completamente rib’e chauffeur di e Hyundai.
Pa loke ta e chauffeur di e KIA, polis a pon’e supla riba sospecho cu e tabata bou di influencia, pero esaki no tabata e caso. Si e tabata mustra poco “tipsy”, pero no suficiente pa e marca rib’e mashin.
The post Accidente pa falta di preferencia: A resulta cu auto cu a ocasiona e accidente no tin seguro appeared first on 24ora - Prome Den Noticia.
6/14/2026 3:37:27 PM