Oranje no a probecha y a termina empata cu Hapon den Mundial

E seleccion nacional Hulandes a cuminsa cu e Copa di Mundo diadomingo c’un empate di 2-2 contra Hapon. Ambos ta den Grupo F hunto cu Suecia y Tunisia. E team di coach Ronald Koeman tabata na caminda p’e victoria pero Hapon a empata na 89 minuut. Tenacidad y resiliencia, e dos virtud di e tecnico Hapones Hajime Moriyasu a uza pa describi su team, tabata loke a pone e campo di Samurai Blauw pa balansa dos bes su wega contra Hulanda, cu a kere prome cu e tempo finalisa lo a sigura e prome tres punto di Grupo F. Tur cos a pasa den di dos tempo frenetico, cu a cambia por completo e guion ofreci pa ambos team na momento cu nan a sali fo’i vestuario. Hulanda y Hapon a hunga pa gana pero na final nan mester a parti punto. Hulanda a yega area di gol pero no por a anota gol. Esey a pone cu e prome tempo a bay aden 0-0. Potret ta di NU.nl y X (Twitter). Den di dos tempo tur cos a cambia. E prome gol a cay na 51 minuut door di Virgil van Dijk, pero esey no a para Hapon. Seis minuut despues Keito Nakamura a empata e wega. Hulanda no a probecha di e oportunidad, pero na 64 minuut Crysencio Summerville a desampata e wega, haciendo esaki 2-1. Aunke cu Hulanda a pone presion riba Hapon, e Haponesnan no tabata rindi. Na 89 minuut tur cos a bolter y Daichi Kamada a empata e wega. Na final wega a termina empata 2-2. The post Oranje no a probecha y a termina empata cu Hapon den Mundial appeared first on 24ora - Prome Den Noticia.