All to Car y Aruba Bank ta presenta: Ultra Event di bay cu ne y paga despues

Awe ta e dia grandi, caminda cu All to Car y Aruba Bank ta presenta e Ultra Event: Bay cu ne y paga despues. Ainda tin tempo pa probecha un di e eventonan di auto mas grandi di aña. Diasabra 13 di juni, All to Car y Aruba Bank a habri nan portanan pa Ultra Event 2026, un dia yen di ofertanan exclusivo, financiamiento atractivo y e presentacion oficial di e Dongfeng M-Hero nobo, e vehiculo di luho y aventura cu internacionalmente ta conoci como “Lion on the East” y cu All to Car a batisa como “Lion of the Caribbean”. For di 9:00 di mainta te 5:00 di atardi, e bishitantenan por beneficia di e descuentonan special cu ta varia entre AWG 3 mil te cu AWG 18 mil riba diferente modelo disponibel den stock y esnan cu ta na caminda pa yega Aruba. Live: https://web.facebook.com/share/v/1Jp7JoHZEH/ Un di e atraccionnan principal di e evento ta e M-Hero, un SUV premium cu ta combina potencia, luho y tecnologia di ultimo generacion. E vehiculo ta bini ekipa cu un pantaya digital di 12.3 inch, un touchscreen infotainment di 15.6 inch, sistema di e camara 360 grado, 16 speaker premium, asiento di Genuine Nappa Leather cu funcion di masashi y ahuste electrico, asina como conectividad Bluetooth, wireless smartphone charging y diferente entrada USB. Ademas, e M-Hero ta conta cu un sistema di bos inteligente, salida di coriente di 220V cu capacidad te cu 2.2 kilowatt y tecnologia EREV (Extended-Range Electric Vehicle), permitiendo un autonomia di mas cu 1.300 kilometro. Cu su impresionante potencia di 1.030 horsepower y capacidad off-road cu different differential locks, e vehiculo ta adapta pa tereno di lodo, piedra y otro condicionnan extremo. Segun All to Car, e M-Hero ta posiciona su mes den mercado internacional pa competi cu marca di renombre manera Mercedes-Benz G-Class, GMC Hummer SUV y Land Rover Defender. Durante Ultra Event 2026, Aruba Bank tambe lo ta presente cu su promocion “Buy Now, Pay Later”, permitiendo e cliente cuminsa paga nan prome cuota despues di tres luna. Tambe lo tin e opcionnan di financiamento flexible di cinco, seis y siete aña, cu interesnan atractivo. The post All to Car y Aruba Bank ta presenta: Ultra Event di bay cu ne y paga despues appeared first on 24ora - Prome Den Noticia.