Fanaticonan di Alemania ta prepara pa debut contra Corsou na Mundial 2026 na Houston

Den ambiente di mundial 2026 na Houston, director di 24ora.com, Mark Benson, a mantene un entrevista directo cu un grupo di fanatico di Alemania cu a biaha pa Houston pa presencia e encuentro entre Curaçao y Alemania. Den e combersacion, tres simpatisante, Heino, Wolfgang y Dirk,  a expresa nan entusiasmo p’e torneo y nan presencia na Houston specificamente pa e partido di grupo. Nan a comenta cu nan ta fanaticonan fiel di futbol y cu nan a bay anteriormente pa diferente partido na Alemania, pero pa nan esaki ta nan prome experiencia mira Alemania enfrenta Corsou. “Mi no tin mucho informacion di Corsou, pero mi ta spera cu Alemania lo gana,” un di nan a declara durante e entrevista. Segun nan pronostico, nan ta pensa cu e resultado lo por termina 2-0 na fabor di Alemania, aunke nan a reconoce cu e nivel di incertidumbre ta semper presente den mundial. Nan a remarca cu e interes internacional ta hopi grandi p’e partido, specialmente cu ta un debut historico entre ambos seleccion. A pesar di nan entusiasmo p’e partido, e fanaticonan a confirma cu nan no lo sigui solamente e wega na Houston. Nan plan di biaha ta inclui presencia na New York City y New Jersey pa siguiente rondnan di partido, y despues nan ta considera biaha pa Boston. Sinembargo, nan a aclara cu nan no ta pensa keda te final di torneo. Nan permanencia na Houston lo keda hasta 1 di juli, segun nan mes un planificacion, y nan a desea bon exito na tur ekipo, incluyendo tanto Alemania como Corsou p’e encuentro di diadomingo. E entrevista a refleha e ambiente internacional y multicultural cu ta rond di mundial 2026, unda e fanaticonan di diferente pais ta uni den mesun ciudad pa celebra e deporte aki. Cobertura di mundial 2026 ta presenta pa:RDATaco BellArugasOld ParrFrito LayQue Pasa RestaurantCafe the PlazaBalashiElmarSVBFastSetarRIUAIB BankBanco di Caribe The post Fanaticonan di Alemania ta prepara pa debut contra Corsou na Mundial 2026 na Houston appeared first on 24ora - Prome Den Noticia.