Algun mesa mas disponibel pa mira e wega di Corsou vs Alemania paden di South Beach Club

Fanaticonan di futbol ta invita  pa biba e emocion di mundial 2026 riba pantaya grandi den tremendo ambiente. South Beach Club ta invita henter comunidad pa reuni diadomingo 14 di juni pa disfruta di e tan spera encuentro entre Corsou y Alemania durante e “Blue Wave Watch Party”, un actividad special organisa p’e fanaticonan di futbol y henter famia. E partido lo ta transmiti live riba pantaya grandi, permitiendo cu e presentenan por sigui cada momento di e emocionante encuentro di mundial 2026 den un ambiente agradabel y yen di entusiasmo. E actividad lo cuminsa cu e fluit inicial pa 1:00 di atardi, ora di Aruba, y South Beach Club ta invita tur esnan cu kier comparti e experiencia cu amigonan y otro amante di futbol pa reserva nan luga cu anticipacion. Cu e “Blue Wave Watch Party”, South Beach Club ta busca na crea un ambiente special pa celebra e pasion pa futbol y brinda un experiencia unico durante uno di e partidonan mas spera di e torneo. Pa reserva y mas informacion, interesado por comunica na telefon 737-0001. Diadomingo 14 di juni, South Beach Club ta e luga pa biba e emocion di Corsou contra Alemania den compania di otro fanaticonan di futbol. The post Algun mesa mas disponibel pa mira e wega di Corsou vs Alemania paden di South Beach Club appeared first on 24ora - Prome Den Noticia.