Emocion ta halto na Corsou: Fanaticonan tin e fe completo den e victoria contra di Alemania

Pueblo Curasoleño ta expresa siguridad y ta pronostica victoria historico den Copa di Mundo 2026 E emocion ta grandi na Corsou mientras cu e conteo p’e partido tan spera entre Corsou y Alemania na Copa di Mundo 2026 ta sigui yega mas cerca. Presentado di 24ora.com, Tarrick Ras, a subi e cayanan di Corsou pa papia directamente cu e pueblo di Corsou, y wak cua lo ta na pronostico. E contesta di e fanaticonan no a laga espacio pa duda. Hopi Curasoleño a expresa nan confiansa completo den nan seleccion nacional, pronosticando un resultado di 2-0 na fabor di Corsou. Un otro sostenedor ta calcula un score di 2-1, tambe cu e victoria ta bay p’e team blauw. Segun un fanatico, Corsou tin un grupo di hungado cu a haya experencia den futbol Europeo, incluyendo algun cu a pasa door di e sistema di entrenamento y club na Alemania. Pa nan, esaki ta un señal cu e team ta bon prepara pa enfrenta un di e podernan di futbol mas grandi di mundo. Siguridad y orguyo nacional ta domina e cayanan di Willemstad, y e ambiente di Copa di Mundo ta unifica e pueblo den nan sosten na nan ekipo. Bandera, t-shirt blauw y palabra di apoyo, mientras cu e expectativa p’e partido a sigui crece. Na final di e entrevista, e entusiasmo cada un di e fanaticonan a grita cu orguyo y emocion “Gol,” na fabor di Corsou. Cobertura di Mundial 2026 ta presenta pa:  RDA Taco Bell Arugas Old Parr Frito Lay Que Pasa Restaurant Cafe the Plaza Balashi Elmar SVB Fast Setar RIU AIB Bank Banco di Caribe The post Emocion ta halto na Corsou: Fanaticonan tin e fe completo den e victoria contra di Alemania appeared first on 24ora - Prome Den Noticia.