Descubrimento macabro: curpa sin bida haya den bahul di un auto dilanti di e stadion caminda e team di Iran ta train

Tijuana, Mexico: Tijuana – Un descubrimento macabro a conmociona Tijuana despues di haya un cadaver den bahul di un auto staciona dilanti di e stadion unda e seleccion nacional di Iran ta train pa Mundial di Futbol 2026. E curpa a wordo haya den estado di descomposicion den bahul di un Toyota SUV color shinishi, e auto tabata staciona riba e parkinglot di e Supermercado net dilanti di e Stadion Caliente. E seleccion Irani ta usa e stadion aki pa nan training diariamente desde nan yegada na ciudad. E lugar unda a haya e vehiculo ta keda menos di un minuto leu for di e hotel caminda e delegacion Irani ta hospedando. Ora polis a habri e auto, un holor fuerte a sali for di e bahul. Especialistanan forensico a presenta y a haci e investigacionnan necesario. Segun vocero di Ministerio Publico di Tijuana, un patruya durante un control rutinario a bin topa cu e curpa den e bahul. E vocero  a declara na prensa cu e auto sospechoso aki tabata staciona na e mesun luga for di  dialuna pasa. Tijuana ta wordo considera un di e ciudadnan mas peligroso di Mexico Tijuana regularmente ta wordo menciona como un di e ciudadnan mas peligroso di Mexico. Segun estadisticanan oficial ta indica cu durante 2025 mas di 1.200 homicidio a keda registra na e ciudad aki. Iran mester a cambia su campamento,  debi na conflicto militar y tensionnan geopolítico relaciona cu e guerra den Medio Oriente y relacionnan tenso entre varios paisnan. Originalmente tabata planea pa nan usa Tucson, Arizona, como centro di preparacion.   potret cortesia di AFP& ANP The post Descubrimento macabro: curpa sin bida haya den bahul di un auto dilanti di e stadion caminda e team di Iran ta train appeared first on Aruba Native.