Seleccion Ingles a bira victima di ladronicia durante Mundial 2026: sapato di futbol di hungadonan a wordo horta

E seleccion nacional di futbol di Inglaterra a bira victima di ladronicia durante Mundial 2026. Varios medio Britanico a publica esaki. Segun e reportahenan, diferente articulonan importante a wordo horta for di un bus cu tabata transportando tur e equiponan pa e camp base na Swope Soccer Village na Kansas. Entre e articulonan a horta sapatonan di futbol, balnan oficial di torneo,  un ekipo di analisis, un massage table y varios material di entrenamento. Fuentenan Britanico a informa na Daily Mail cu solamente un bala a keda atras y cu ta tur cos cu tabata den e vehiculo a wordo horta. Tambe tin un preocupacion cu e sapatonan di futbol di e hungadonan importante manera Harry Kane y Jude Bellingham, lo ta entre e articulonan horta. Entrenado Thomas Tuchel y su seleccion tabata ya caba pa algun tempo na Merca, pa asina por a cuminsa prepara nan mes na Florida prome cu nan viaha pa Kansas City. E mesun ciudad cu e seleccion Hulandes ta hospedando. E Federacion Ingles di Futbol (FA) ta colaborando cu polis local pa intenta di recupera e materialnan horta. E situacion ta urgente, pasobra  dialuna 17 di juni e “Three Lions” lo hunga nan prome partido di Mundial contra Croacia.   The post Seleccion Ingles a bira victima di ladronicia durante Mundial 2026: sapato di futbol di hungadonan a wordo horta appeared first on Aruba Native.