Pentagon ta lansa video nobo y shocking di UFO cu ‘orbnan cu ta broei’ y CIA riba alerta maximo

Pentagon a caba di publica un serie nobo di documento y filmacion di UFO ( Unidentified Flying Object), y algun di e cosnan cu tin den nan ta berdaderamente dificil pa splica. https://www.arubanative.com/wp-content/uploads/2026/06/Screen_Recording_20260612_204114_Facebook.mp4 E ultimo publicacion aki, e di tres desde cu e gobierno di Merca a cuminsa cu un ola di revelacionnan nobo luna pasa, ta inclui 53 documento, 10 imagen, seis video y tres audio recopila pa CIA, FBI, NASA y e Departamento di Defensa. E videonan ta mustra obhetonan den forma di esfera (orbs) cu ta move den cielo, mientras cu un cantidad di imagen ta ofrece interpretacionnan artistico di avistamentonan reporta, basa riba relato di testigonan ocular. Tur e archivonan aki a wordo subi riba e website oficial di UFO di Pentagon. Diferente di publicacionnan anterior, cual tabata domina pa filmacion militar, varios di e videonan nobo ta inclui filmacion di testigonan ocular recogi pa FBI, hunto cu relatonan detaya di e personanan cu a filma nan. Kico tin den e ultimo publicacionnan di UFO? Un video, titula *Northeastern Orb Sighting*, ta capta filmacion for di juli 2025 cu ta mustra dos luz briyante ta move den cielo. Segun e entrevistanan di FBI cu e testigonan, e esferanan tabata move silenciosamente y suavemente, y tabata parce di ta viaha hunto como si fuera nan ta bula den formacion of mara na otro. Un otro video, *Orbs Over the Pond*, ta documenta un encuentro for di october 2024 cu a tuma luga dentro di 25 miya di e prome avistamento. E filmacion ta mustra un fuente di luz ta flota riba un pond na un distancia calcula di 2.700 pia. Pentagon a describi e obheto como un esfera[balanan] estilo plasma cu tabata cambia di forma y luminosidad de bes en cuando, y tin biaha tabata parce di ta separa den puntonan luminoso mas chikito. Un luz secundario tabata flota net riba e superficie di e awa y no tabata parce un refleho. E obheto a keda keto pa aproximadamente 45 minuut prome cu el a desaparece. Talbes e relato mas straño ta bin di un serie di suceso den parti west di Merca durante e di dos dia den october 2023, presencia pa cinco agente special di ley federal cu cada uno a duna nan relato na e All-domain Anomaly Resolution Office di Pentagon. Un agente a describi cu el a mira luznan straño ta move den grupo miyanan leu. Un otro a reporta luznan cora cu a acelera instantaneamente y a maniobra cu un coordinacion perfecto y suave den un formacion horizontal. Lo mas impresionante di tur ta e relato di e testigo identifica como Testigo 4, kende a describi cu esferanan mas chikito tabata parce di ta sali for di un luz orañe structuralmente mas grandi y hopi briyante na multiple ocasion, y el a perde cuenta despues di mas cu cinco biaha. Testigo 3 a compara e esferanan[balanan di luz] cu tabata sali manera druif ta wordo saca for di un basketball, y a corda cu su colega a bira mira dje y a bisa: “Bo ta mirando esaki?” **Un recomendacion di encubrimento di CIA di 1952** E publicacion ta inclui tambe documentonan historico cu ta lanta nan propio preguntanan. Entre nan tin un informe di un panel di CIA cu a bini hunto na 1952 y 1953, yama e *Scientific Advisory Panel on Unidentified Flying Objects*. E panel a conclui cu e flying saucer no tabata representa un menasa fisico, pero a recomenda un maneho oficial pa desmenti UFOs pa asina kita e misterio for di e tema, alertando cu e fascinacion publico generalisa por wordo explota pa adversarionan stranhero. Otro documentonan ta cubri un informe di CIA di 2008 tocante un avistamento di UFO riba Harare International Airport na Zimbabwe, cual a wordo transmiti directamente pa e Situation Room di White House. E obheto a wordo describi como den forma di disco cu un centro bashi y un serie di luznan cu ta rota na su parti abou, y su presencia a pone e area rond di e sitio riba alerta maximo. Analistanan e tempo ey no por a determina si e tabata un aparato di reconocimento stranhero of algo completamente diferente. Un avistamento di 2022 cerca di Colorado Springs, Colorado, ta describi un obheto den forma di batata cu un color opalescente blanco y crema cu tabata parce un poco translucido, cu un leve briyo interno. Un analisis di inteligencia a evalua cu un confiansa bajo cu esaki por tabata causa pa refleho di solo riba e sneeuw na Cheyenne Mountain, pero oficialmente e caso ta keda sin resolve. E revelacionnan aki a wordo impulsa pa un decreto ehecutivo firma pa Presidente Trump mas prome e aña aki, ordenando Pentagon pa publica mas documento relata na UFO. Secretario di Defensa, Pete Hegseth, a bisa cu e publicacionnan aki ta demostra e compromiso di e administracion cu loke el a yama un transparencia sin precedente. The post Pentagon ta lansa video nobo y shocking di UFO cu ‘orbnan cu ta broei’ y CIA riba alerta maximo appeared first on Aruba Native.