Sports Administration Course ta sigui cu les di gobernansa y organisacion

  E grupo di dirigentenan deportivo cu ta atende e curso di “Sports Adminstration Course” organisa door di e departamento di desaroyo di Comite Olimpico Arubano (COA) a continua ayera nochi na Universidad di Aruba. Despues di un prome les unda a trata e tema di e Movemento Olimpico, a sigui cu un sesion cu a trata e e parti di gobernansa y organisacion den deporte. E di dos sesion a wordo duna door di Patrick Werleman, cu ta e director di desaroyo di COA. E departamento di desaroyo ta trata e areanan di capacitacion, aspectonan legal y di gobernansa. Pa e sesion aki, a pone hopi enfoke riba e organisacionnan importante den e entorno deportivo na Aruba, demas di trata e tema legal di asociacion y statutonan. Finalmente a repasa algun articulo importante di e “Burgelijk Wetboek 2” cu ta aplicabel pa tur asocacion y fundacion deportivo. E grupo di dirigentenan cu a participa a mustra un gran interes y participa activamente den tur tarea cu a traha den grupo, aplicando locual a wordo presenta cu e situacion di e federacion/club na cual nan ta pertenece. Mester bisa cu e dialogo a trece hopi ideanan interesante dilanti y ta mustra cu e grupo presente tin gana di traha na bienester di deporte na Aruba. COA ta gradici Patrick pa e curso informativo cu sigur a aporta gran conocemento na e dirigentenan. E proximo sesions lo ta diamars proximo unda lo trata mas en profundo e structura di organisacionnan deportivo y mucho mas. #COA #ARUBA #SAC #TEAMARU The post Sports Administration Course ta sigui cu les di gobernansa y organisacion appeared first on Aruba Native.