A REPARTI 111 BOET DURANTE CONTROL DI TRAFICO Y UN PERSONA A WORDO DETENI DEN ORANJESTAD
Oranjestad-Aruba
Diahuebs 21 di mei 2026 durante oranan di atardi y despues anochi , polis di districto di Oranjestad hunto cu e Unidad Motorisa a tene control di trafico den districto Oranjestad.
E controlnan a tuma lugar na diferente puntonan strategico.
Na final di e control a duna un total di 111 boet. Tambe polis a detene un persona pa maneha un vehiculo sin un rijbewijs.
E boetnan reparti tabata entre otro:
* No tabatin un rijbewijs valido.
* No tabatin keuringskaart na ordo.
* Falta di pago di impuesto di vehiculo di motor.
* No tin seguro valido.
* No a uza safety-belt.
* Luz dilanti defecto.
* No a uza señal y mucho mas
Cuerpo Policial ta enfatisa cu e controlnan lo keda tuma lugar.
Ta haci un apelacion na tur automobilista pa percura pa tur documento di vehiculo di motor ta na ordo y pa cumpli cu e reglanan di trafico.
Un trafico sigur ta responsabilidad di nos tur.
The post A REPARTI 111 BOET DURANTE CONTROL DI TRAFICO Y UN PERSONA A WORDO DETENI DEN ORANJESTAD appeared first on Aruba Native.
5/25/2026 1:55:02 PM