The Ritz-Carlton Aruba a celebra Associate Appreciation Week pa balora su empleadonan

Cu diferente actividad recreativo, deporte y momento di comparti, The Ritz-Carlton, Aruba a celebra durante un siman nan “Associate Appreciation Week”. Tabata un siman special dedica pa aprecia y reconoce e esfuerso y dedicacion di nan empleadonan. Den entrevista cu Arantxa Sanchez, Human Resources Manager na The Ritz-Carlton Aruba, el a indica cu e siman aki a tene nan Associate Appreciation Week -(Siman di Aprecio pa Empleado), cual a cuminsa dialuna 18 mei te cu 22 di mei 2026 cual tabata e final. Pa lo cual ta trata e Associate Appreciation Week, e nomber ta papia pa su mes,  unda nan a celebra hunto pa aprecia nan empleado. Dialuna mainta a cuminsa cu un desayuno, despues a sigui pa actividad deportivo, y diferente competencia recreativo, caminda tur empleado por a disfruta e siman di nan aprecio. Pa finalisa nan siman, a clausur’e cu un dia unda tabata presente un par di truck di cuminda pa ofrece nan empleado lo miho. Tambe e banda Tsunami a pone un dushi ambiente e dia aki pa tur empleado. Su mensahe p’e empleadonan di The Ritz-Carlton Aruba ta: “Danki pa e trabou cu boso ta haci pa nos”, e aña aki ta uno exitoso pa lo cual ta trata appreciation week y ya caba lo cuminsa cu e preparacion pa esun di 2027. Na tur e persona cu kier ta parti di e team por aplica online. The post The Ritz-Carlton Aruba a celebra Associate Appreciation Week pa balora su empleadonan appeared first on 24ora - Prome Den Noticia.