Rayden Kock di 17 aña tira mata den marduga

Den oranan di marduga un hoben di 17 aña a perde su bida cu un tiro den cabes, den un hecho cu a tuma luga den area di sector hotelero. Diadomingo pa mas o menos 1:18 di marduga central di polis ta wordo notifica cu den un parkeerplaats den zona turistico, un hende homber lo mester a wordo tira y no ta reacciona. Central ta despacha polis y ambulance cu urgencia na luga di e sucedido. Na yegada di polis ta bin topa cu un hende homber cu no ta reacciona. Ambulance ta presenta pa trata e victima pero lamentablemente no por a haci nada mas. Live: https://www.facebook.com/share/v/1GdMkwroVR/ Recherche, y polis tecnico a presenta pa haci nan investigacion. Dokter forensico a presenta y ta constata morto di e victima. Departamento di slachtofferhulp tambe a presenta pa asina duna sosten na e famia di e victima. Segun por a compronde n’e sitio, e victima tabata hunto cu un ruman na e sitio, kende a presencia tur cos.Te den oranan di mainta no tin detencion. Ta papia di problema entre gang, pero autoridadnan no kier confirma esaki. Pero si ta pidi pa testigo of personanan cu por yuda cu cualkier informacion. Na famia di e fayecido Headlines Group ta manda palabra di condolencia. The post Rayden Kock di 17 aña tira mata den marduga appeared first on 24ora - Prome Den Noticia.