Aruba Umpires Uni a batisa nan uniform nobo

Cu orguyo y entusiasmo, Aruba Umpires Uni a presenta y bautisa oficialmente nan uniform nobo, algo cu a bira posible danki na apoyo di dos sponsor nobo. Durante e actividad, directiva di e organisacion tambe a comparti e importancia di sigui motiva e hobennan y atrae mas persona pa forma parti di umpiring na Aruba, mientras cu nan ta sigui creciendo y fortaleciendo e deporte riba isla. Den entrevista cu Raynaldo Sprott, presidente di Aruba Umpires Uni, a comenta cu nan a haya dos sponsor nobo cu a yuda nan pa logra batisa nan uniform nobo y por cubri tur e funcion cu nan tin. Tambe a menciona cu semper tin falta di umpires, y cu un curso lo cuminsa aki dos siman, unda nan lo haya 6 umpires y lo termina e aña cu 36 umpires den funcion. Actualmente den nan organisacion tin tres dama y ta asegura cu lo bira mas. Esun mas hoben den nan tin 15 aña. Ta gradici na tur su sponsor ya cu sin nan e no ta bira posible cu nan por logra. Yenoir Kelly Umpires mas hoben di Aruba, tambe a conta un poco di su experencia, y a bisa, cu el a yega di bay Cartagena, Colombia, como umpires y e ta haci e labor aki cu e muchanan chikito y hoben. Su interes a bin Ora el a cuminsa hunga baseball y tabata mira e umpiresnan, y asina su interes a crece pa e por realisa esaki tambe. El a busca tur informacion p’e por ta parti di e cuerpo di umpires, unda nan a acepte pa cuminsa cu e muchanan chikito y despues e por sigui bay n’e grandinan. Pa mas lesa TREMPAN.COM. The post Aruba Umpires Uni a batisa nan uniform nobo appeared first on 24ora - Prome Den Noticia.