Aruba cla pa defende titulo di hockey na Boneiro
Ekipo di hockey di Aruba a yega Bonaire pa e di tres edicion di e ABC Tournament, caminda e hoben hockistanan di Aruba lo competi internacionalmente contra e seleccionnan di Boneiro y Corsou. Atmosfera den e seleccion ta hopi positivo y motivacion ta grandi, paso tin mas cu solamente honor deportivo den wega.
Aña pasa Aruba a logra gana e torneo riba tera propio di un manera impresionante. Cu esey, e ekipo a conkista e copa rotativo, cu awor mester wordo defende durante e edicion aki. E hungadonan ta consciente di e reto ey y nan kier mustra cu e titulo cu nan a gana aña pasa no tabata casualidad.
Cu hopi talento hoben, entusiasmo y experiencia di edicionnan anterior, Aruba ta spera di presenta otro torneo fuerte. E partidonan cu lo bin contra Boneiro y Corsou ta priminti weganan emocionante den loke cu awor a bira un tradicion fiho dentro di competencia ABC.
Tur wowo ta dirigi riba e seleccion di Aruba: lo logra e actual campeon di trece e copa rotativo bek Aruba?
The post Aruba cla pa defende titulo di hockey na Boneiro appeared first on 24ora - Prome Den Noticia.
5/24/2026 1:09:55 PM