Honeypot a estrena nan prome cancion y videoclip nobo pa 2026

E agrupacion local Honeypot ta estrena nan prome cancion nobo pa 2026 titula ‘Like You Never Loved Before ft Gin.’ E cancion aki ta parti di e album nobo cu ta na caminda cu ya caba ta completamente graba y e siman aki nan ta lansando nan new Hit. Esaki ta e di 3 cancion cu ta saca for di e album nobo aki di Honeypot cu lo hiba e titulo Straight Out The Carbbean. For di basta tempo caba tabata tin varios fanaticada nan cu tabata pidi na Chayo pa un dia graba un cancion cu un cantante femenino y esaki semper a keda como algo pendiente pa haci. Tabata durante un periodo di grabacion cu producernan di NL na Aruba a topa cu Gin na un Café local y aki a cuminsa papia di biaha pa si e kier forma parti di un cancion nobo cu Honeypot. Aki tur cos a start y pa e mesun dia aki a drenta studio y asina e produci e cancion nobo aki completo on the spot. Pa e cancion aki tambe a traha un video clip tabata graba na Arashi Beach produci pa Dani Cruz y ta ilustra Aruba su beach y hende nan bunita. Honeypot ta celebrando 30 aña di existencia den 2026 y kier a gradici tur e fanaticonan cu semper a sa di sostene e band desde 1996. Pa 18 di juli venidero Honeypot lo ta ariba escenario na Hulanda pa forma parti di Zwarte Cross Festival 2026 Reggae Stage. Honeypot y Gin ta invita tur fanatico pidi p’e cancion aki na bo radio emisora preferi Keda pendiente pa hopi sorpresa mas na caminda y no lubida di bishita nan website nobo www.honeypotmusic.com y tambe por scuch’e via e link https://youtu.be/JQ9K9rjXUTs?si=f-kHnquYPeyK5ynB. The post Honeypot a estrena nan prome cancion y videoclip nobo pa 2026 appeared first on 24ora - Prome Den Noticia.