Conferencia nacional: “Generation Swap” – Intercambio di Generacion

Den conexion cu celebracion di 40 aña di existencia di Asociacion Trabou di Hubentud Aruba (ATHA) ta organisa e conferencia nacional “Generation Swap”. E conferencia aki ta un colaboracion entre ATHA, Directie Ouderenzaken, Vereniging Scouting Aruba, Club Kibrahacha 60+, Believe in Yourself y Parlamento Hubenil. Conferencia Nacional E conferencia nacional: Generation Swap lo tuma luga riba diasabra 23 di mei 2026 for di 9:30 di mainta te cu 2:30 di atardi den e aula di EPB Hato. Un dia yena di baile, musica, arte y conexion entre generacion. Entrada ta completamente gratis y ta inclui un almuerzo. E conferencia aki lo ta uno ineractivo den cual ta curasha e participacion di tanto hoben como adulto mayor. Durante di e conferencia lo ilustra en corto e resultadonan di e workshops, lo presenta un obra di teatro, lo tin grupo di baile di hoben y adulto mayor y tambe e conferencia lo wordo clausura cu bon musica. Na final di conferencia por pasa tambe na diferente booth na unda por haya mas informacion di e workshops teni. Ta invita hoben y adulto mayor pa bini hunto y participa na e Conferencia Nacional: “Generation Swap”- Intercambio di generacion. The post Conferencia nacional: “Generation Swap” – Intercambio di Generacion appeared first on 24ora - Prome Den Noticia.