Alex Cybul: Mayoria doño di vacation rentals ta local

Alex Cybul di Vacation Rental Professionals Aruba ta bisa cu ta imposibel e pensamento cu e sector aki ta responsabel pa problema di vivienda y cu no ta cumpli cu debernan fiscal. Mayoria di e casnan di AIRBnB  ta propiedad di localnan y ta cumpli cu e aspecto fiscal. Keda na un hotel of den un cas priva, ta un escogencia cu ta den man di e bishitante. “Esey ta un decision di nan.” Cybel, trahando den e ramo aki pa hopi tempo, a splica cu den e ultimo decada e patronchi di biahe a conoce cambio. Awendia e turista ta prefera keda na un cas cu nan pool priva, sinti un ambiente mas autentico local. No solamente e beach. Vacation Rentals a duna e grupo aki pa experencia algo otro cu nan tabata custumbra cu ne, kedando na un hotel. E grupo ta scoge intencionalmente pa keda na un cas, cu a causa un crecemento grandi. Y no mester lubida,  ta prome biaha cu localnan tin un oportunidad pa participa den e negoshi di hospedahe. E ta crea hopi oportunidad rond di e isla pa un contacto directo cu e bishitantenan. E hospedahe aki ta permiti un experencia mas local, contacto cu e pueblo y siña conoce di cerca e forma di biba, di come y relaha di e localnan y comparti e momentonan aki cu nan. “Vacation rentals tin su espacio y ta e escogencia di e biahero. Mester busca manera pa probecho di e segmento nobo aki, p’e sirbi e isla y e localnan envolvi.” Sector hotelero tin nan diferencia cu e tipo di hospedahe aki. Ta sinti cu e grupo aki ta saca miho probecho cu nan, mientras cu e grupo chikito ta come di e bolo pero no ta cumpli cu tur deber. Ta papia di cumplimento fiscal. Esaki ta algo cu Cybul ta desmenti.   Rond di 70% di e casnan ta di hende local cu mester cumpli cu obligacionnan local. Entre otro ta cumpli cu e tourist tax. E ta mira tambe cu DIMP  ta traha riba cumplimento di parti di e ciudadano- y negoshinan. Si e ta kere cu mester bini cu un tipo di registro di e casnan cu ta di AIRBnB ya cu esaki ta brinda un miho forma di control pa DIMP.   Pa relato mas informacion lesa TREMPAN. The post Alex Cybul: Mayoria doño di vacation rentals ta local appeared first on 24ora - Prome Den Noticia.