Ciudadano ta preocupa: No tin tapa poni n’e riolering band’i hotel
Un ciudadano tabata den area di hotel y a topa cu un situacion fastioso. El a indica di tabata cana cerca di e parkeerplaats banda di e clubnan nocturno y a ripara cu tin un riolering habri.
Esaki ta asina no desde awo, pero algun luna caba. A pone un palo eynan pa hende tene cuidou, pero asina mes e ta continua di ta un situacion fastioso. No solamente p’e turistanan, pero e localnan cu tambe ta sali fo’i un di e luganan ey banda y sea ta bay direccion parkeerplaats of ta pasa eybanda.
E ciudadano ta puntra ki dia e departamento concerni, e compania concerni ta presenta eynan y drecha e situacion aki. No por laga e riolering asina ey pasobra e ta peligroso pa tur cu pasa eynan, specialmente den oranan di anochi y no ripara cu tin un riolering sin su tapa.
The post Ciudadano ta preocupa: No tin tapa poni n’e riolering band’i hotel appeared first on 24ora - Prome Den Noticia.
5/17/2026 4:59:35 PM