Edicion di april di “Real Estate den Bario” ta na MFA Noord

ID Realty Group ta orguyoso di anuncia cu e edicion pa luna di april di su iniciativa comunitario “Real Estate den Bario”, lo tuma luga otro siman diaranson, 29 di april na MFA Noord, for di 7:00 di anochi te 9:00 di anochi. E sesion aki ta forma parti di e esfuerso continuo di e compania pa brinda mas tanto informacion posibel riba tur asunto relaciona cu compra, benta of huur di propiedad pa haci esaki un proceso mas cla y confiabel pa tur hende den comunidad. E luna aki, e programa lo pone enfoke riba esunnan cu ta cumpra un cas pa prome biaha, brindando orientacion concreto riba e paso nan necesario pa drenta den mercado di vivienda. Un di e tema central lo ta e Fondo Nacional di Garantia pa Vivienda, cu ta representa un instrumento clave pa yuda persona y famia cu ke realisa nan meta di tin un cas propio. Durante e anochi, Notaris Chamila Tromp di New Leaf Notary lo comparti informacion practico tocante e proceso di traspaso di propiedad, incluyendo e gastonan cu cumprado mester tene cuenta cu ne. Director di Fondo Nacional di Garantia pa Vivienda, Frederick Arends, hunto cu su ekipo, lo presenta riba e posibilidadnan di apoyo financiero, mientras cu tambe lo conta cu presencia y asistencia di diferente instancia financiero cu ta ofrece hipoteca pa contesta preguntanan y brinda guia directo na participantenan. Cu iniciativa manera “Real Estate den Bario”, ID Realty Group ta revoluciona e manera con real estate ta wordo haci na Aruba, construyendo confianza den e mercado riba base di transparencia total di informacion, cumplimento estricto cu ley y regulacionnan, y un compromiso firme pa brinda guia continuo na cliente durante tur fase di e proceso. E modelo aki ta pone enfasis riba educacion, responsabilidad y relacion di largo plaso cu comunidad. ID Realty Group ta invita tur hende interesa, specialmente esunnan cu ta pensa di cumpra nan prome cas, pa asisti na e sesion informativo aki. Entrada ta gratis y participantenan lo tin oportunidad pa haci preguntanan directo na profesionalnan presente y ricibi orientacion personalisa. Pa mas informacion, por yama of manda mensahe na +297 290 2447, como tambe a traves di e pagina di Facebook di ID Realty Group caminda por haya sa di e anochi aki y otronan den futuro. The post Edicion di april di “Real Estate den Bario” ta na MFA Noord appeared first on 24ora - Prome Den Noticia.