Evelyn Wever-Croes (MEP): “Minister actual a stop varios proyecto di mucha y hoben di gobierno anterior”

Un reunion publico a tuma luga dialuna mainta na parlamento di Aruba relaciona cu e ley di kinderopvang, a causa basta pregunta. Principalmente cerca oposicion. Recientemente a sosode un caso di un mucha homber di cinco aña cu a shock e comunidad completo di Aruba. Un caso cu a duna hopi di papia pa loke ta e rekisitonan y reglanan bou cua un kinderopvang mester opera. E minister presente tabata mr. Gerlien Croes cu a duna mas bien un update di tur e trabounan cu ta bezig cu ne. Den entrevista cu parlamentario di MEP, Evelyn Wever-Croes a expresa den nomber di e area di enseñansa cu ta haya lamentabel cu tabata tin un proyecto cla esta “Departamento di mucha y hubentud” cual a ser para door di e minister actual. Wever-Croes tambe a referi na un rapport di Ombudsman unda ta constata cu e parti di e cuido di e muchanan mas chikito no ta mucho cla. Pa Wever-Croes esaki ta lamentabel pasobra a laga un proyecto cla y en bes di sigui cu ne a prefera di par’e y pasa e trabounan pa otro departamento. “Mi ta kere cu gobernacion ta continuacion, por ta bo no ta di acuerdo cu ne, pero sigui cu ne y drech’e na caminda”, Wever-Croes a expresa. Segun e minister, awo lo bay contesta Ombudsman riba e topico aki. The post Evelyn Wever-Croes (MEP): “Minister actual a stop varios proyecto di mucha y hoben di gobierno anterior” appeared first on 24ora - Prome Den Noticia.

4/20/2026 4:00:00 PM Read more