Lider di MEP ta insisti di kier informacion riba biahe priva

Tanto den e reunion di diabierna como esun di dialuna mainta, Minister Gerlien Croes a hay’e confronta cu preguntanan cu no tin nada di haber cu e reunion y el a informa e hendenan cu a haci e preguntanan aki tambe. Dialuna mainta e reunion publico pa trata e ley di kinderopvang a bay basta bon pero durante e reunion aki parlamentario di MEP, Evelyn Wever-Croes a probecha e oportunidad pa puntra e minister riba e topic di jet priva. Pues segun Wever-Croes ta for di december a manda yama un reunion relaciona cu e topico aki y te awo nada ainda. Ademas a haci diferente pregunta na e minister pero niun contesta. Segun Wever-Croes ainda tin hopi duda relaciona cu e famoso biahe aki cu e jet priva. E minister a informa e fraccion geel na un ocasion anterior caba cu el a manda contesta of duna informacion di e biahe aki cu tin asina hopi atencion di nan. Mientras cu e lider di MEP a kibra e esfera di e reunion bayendo riba un tema diferente, mescos cu tabata den e reunion di diabierna ultimo riba Landspakket, e mandatario solamente a expresa cu e ta lamenta cu ta desvia di un tema masha importante pa haci politikeria y cu e no ta cay na e nivel ey pa haci politikeria den e cas di representante di pueblo. The post Lider di MEP ta insisti di kier informacion riba biahe priva appeared first on 24ora - Prome Den Noticia.

4/20/2026 6:00:00 PM Read more