Anuncio publico – Atencion doñonan di auto getouw na Aeropuerto di Aruba

  Aruba Airport Authority N.V. ta notifica comunidad cu tres (3) vehiculo di motor ta den posesion di siguridad di aeropuerto. E autonan tabata getouw y tuma den beslag na aeropuerto y ta permanece sin cu niun doño a busca nan. E personanan cu ta considera di ta propietario legitimo di cualkier di e autonan describi mas abou, mester tuma contacto cu siguridad di aeropuerto pa verifica y coordina pa retira e auto.  Na momento cu e persona vocifera di ta propietario, mester demostra un prueba valido y identificacion oficial emiti door di gobierno. E pruebanan acepta por ta registracion di auto, certificado di titulo, documento di seguro of otro registracionnan oficial cu ta demostra claramente  cu e persona ta doño di e auto.  Ta pidi e propietarionan pa presenta dentro di e 30 dia cuminsando desde fecha di e publicacion aki. Si acaso no busca e auto den e plaso di 30 dia, e autonan cu no tin doño lo pasa pa disposicion conforme e regulacionnan y e procedimentonan aplicabel.  Pa mas informacion of reclama auto, por fabor yena e formulario di contacto riba nos website: https://www.airportaruba.com/contact-us Vehiculonan actualmente den pocesion: Marca: OPEL Modelo: ASTRA Aña di modelo: 2010 Color: Shinishi Marca: TOYOTA Modelo: COROLLA Aña di modelo: 2000 Color: Blanco Number di plachi: A-75612 Gatakel riba: 2 di September 2025 Marca: NISSAN Modelo: CUBE Aña di modelo: N/A Color: Biña Number di plachi: A-52794 Getakel riba: 1 di April 2025   Tocante Aeropuerto di Aruba  AUA Airport ta un di e aeropuertonan mas ocupa den region Caribe, cu mas di 24 diferente aerolinea operando na Aruba contribuyendo na mas cu 3.2 miyon pasahero pa aña y brindando servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 73% ta di Merca y Canada, 18% ta di Latino America, 4% ta di Europa y 5% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu e instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.    Haya sa mas di loke ta sosode na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/@arubaairport y Linkedin.com/ArubaAirport.    Fecha: 15 di April, 2026   The post Anuncio publico – Atencion doñonan di auto getouw na Aeropuerto di Aruba appeared first on Aruba Native.