MEP: GOBIERNO MESTER RECOBRA TUR PLACA Y TERENONAN CU A WORDO HORTA DEN CASO AVESTRUZ

ORANJESTAD — Fraccion di MEP a manda un carta pa gobierno a raiz di e veredicto den e caso Avestrus. Awor cu e caso a termina, e veredicto ta pone cu gobierno mester tuma accion pa recobra tur e placa y tur e terenonan cu a wordo horta. Pasobra ta trata placa y tereno di pueblo di Aruba, y ta algo cu ta toca integridad di gobierno y responsabilidad financiero. E caso Avestrus ta e caso mas grandi di corrupcion den historia di Aruba, cu a resulta den condenanan serio di prizon di 11 anja combina. P’esey Fraccion di MEP ta exigi di gobierno pa tuma accion awor. Specificamente pa tuma 2 paso: Pa haci un inventarisacion completo di e daño financiero causa pa Benny Sievinger y su grupo; Y pa mustra cua accionnan lo wordo tuma pa recupera tur e danjo, e placa, e terenonan. Despues di un veredicto asina serio, nos no ta mira pasado so, pero tambe futuro: pa restaura e confianza den gobierno y maneho responsabel di placa publico, ta importante pa e placa y terenonan ey bin bek den man di gobierno. The post MEP: GOBIERNO MESTER RECOBRA TUR PLACA Y TERENONAN CU A WORDO HORTA DEN CASO AVESTRUZ appeared first on Aruba Native.

4/15/2026 2:31:44 PM Read more